Mesfushori i Lyonit, Hooussem Aouar, ka folur mbi zërat që e lidhin atë me një kalim të mundshëm tek Juventusi.
21-vjeçari është një ndër prospektet më të mira të futbollit francez që vitet e fundit po prodhon një gjeneratë të artë. Këtë sezon mesfushori ka zhvilluar 36 paraqitje me Lyon-in duke shënuar edhe 9-të gola.
Gjatë merkatos së verës Aouar, pritet të tërheqë shumë admirues, mes të cilëve edhe Chelsea, që kanë shprehur interes edhe gjatë verës së kaluar.
Në një intervistë për mediat franceze, ylli i Lyoni-t, duke folur për interesimin e Juventusit, ka thënë:
“Jam i nderuar nga këto zëra, megjithatë, siç kam thënë herë të tjera, kërkoj të mos shpërqendrohem nga këto gjëra. Përpara kemi një finale sezoni të rëndësishme, mund të bëjmë diçka heroike”.
“Jemi në garë për të fituar një trofe. Mund të eliminojmë një skuadër të madhe si Juventus-i dhe mund ta mbyllim kampionatin mes tre të parave. Jam i përqendruar vetëm te kjo për momentin”.
