Liverpooli ka arritur një fitore 2-1 përballë Bournemouth-it, në ndeshjen e vlefshme për javën e 29-të të Premier Ligës.
Miqtë surprizuan teksa shënuan të parët me anë të Callum Wilson në minutën e 9-të. Sulmuesi anglez, përfitoi nga një pasim i saktë i Lerma-s dhe me portën e boshatisur e pati tepër të thjeshtë të shënonte.
Gjithsesi përmbysja e “Të Kuqve”, do të vinte brenda pjesës së parë, teksa golat e Salah dhe Sadio Manes në minutat 25’ dhe 33’, në fund rezultuan mjaftueshëm për të arritur fitoren.
Për tu përmendur është fakti që gjatë pjesës së dytë, në minutën e 62-të, James Milner bën një “mrekulli”, duke shpëtuar portën nga një gol i sigurt, teksa ka larguar topin në vijën fatale, me portierin Adrian që ishte i mundur nga parabola e Fraser.
Ndeshja do të përfundonte me rezultatin 2-1, ku Liverpool-i pavarësisht fitores nuk u shfaq as sot në formën që kanë treguar gjatë gjithë sezonit.
