Aventura e Mauro Icardit me Paris SG, nisi në mënyrën më të mirë, aq sa dukej e sigurt se klubi parizien do të blinte përfundimisht kartonin e tij në fund të sezonit. Por ashtu siç ndodh në futboll gjërat ndryshojnë shumë shpejt dhe qëndrimi i sulmuesit me kampionët francezë duket i pamundur. Raporti i Icardi me trajnerit Tomas Tuchel është i ngrirë, siç tregojnë edhe pankinat e shumta.
Po ashtu, sipas mediave franceze edhe drejtuesit e klubit janë të irrituar me argjentinasin, pasi ai organizoi bashkë me Cavanin dhe Di Marian festën e ditëlindjes vetëm një ditë pas humbjes në Champions kundër Borussia Dortmund. Këtyre iu shtohet dhe një raport i keq me disa prej shokëve të skuadrës, Neymar dhe Mbappe mbi të gjithë, – raporton “Balkanweb”.
Duke qëndruar në atë që raporton prestigjozja franceze, Icardi nuk e duron faktin se dy sulmuesit komunikojnë shumë me njëri-tjetrin në fushë dhe atij i kalojnë shumë pak topa. Maurito ndjehet i veçuar nga pjesa tjetër e skuadrës dhe si “hakmarrje” ka reduktuar në minimum pjesëmarrjen në manovrat defensive gjatë ndeshjeve ku është aktivizuar. Kjo ka bërë që Paris SG të ndryshojë mendim më lidhje me të ardhmen e sulmuesit, duke forcuar në të njëjtën kohë zërat e fundit në merkato, që flasin për një rikthim të Juventus në gjurmët e Mauro Icardi.
