Dy shtetas turq u arrestuan nga policia në Portin e Durrësit, pasi tentuan të kalojnë me dokumente false.
Sipas një njoftimi zyrtar, shtetasit turq të arrestuar janë I. Y., 44 vjeç dhe A. S., 67 vjeç. Policia bëri të ditur se ata kanë tentuar të kalojnë kufirin në drejtim të Italisë, me dokumente bullgare dhe greke të dyshuara si të falsifikuara, të cilat u sekuestruan në cilësinë e provës materiale.
Ndërkohë po nga policia e Durrësit u arrestua shtetasi L. M., 44 vjeç, banues në Shkallnur, pasi Gjykata e Shkallës së Parë Durrës ka dhënë masën e sigurisë “Arrest në burg”, për veprën penale “Dhuna në familje”.
Materialet i kaluan Prokurorisë së Rrethit Gjyqësor Durrës, për veprat penale “Falsifikimi i letërnjoftimeve i pasaportave ose vizave”, “Falsifikimi i vulave stampave ose formularëve” dhe “Dhuna në familje”.
