Mesfushori i Tottenham Hotspur, Eric Dier, vrapoi në shkallët e stadiumit mjaft i irrituar, për t’u përleshur me një tifoz, në ndeshjen që skuadra e tij u eliminua nga FA Cup nga Norwich City.
Dier po i drejtohej tunelit teksa pa vëllain e tij, i cili ishte spektaktor në ndeshje ndërsa po debatonte me një fans kundërshtar, ndërsa në këtë moment 26-vjeçari nuk e ka menduar gjatë dhe filloi të ngjiste shkallët e stadiumit furishëm, për tu përballur me personin në fjalë.
Teksa futbollisti po afrohej, personi i paidentifikuar është larguar ndërsa klubi i Tottenham po punon për identifikimin e personit.
Në lidhje me këtë gjest, ka folur edhe trajneri i Tottenham, Jose Mourinho i cili për “BBC Sport”, ka thënë: “Ky personi e fyeu Erikun, familja ishte atje, vëllai i vogël nuk ishte i kënaqur me situatën, Mendoj se Eric bëri atë që ne, profesionistët, nuk mund ta bëjmë, por me siguri të gjithë do të bënin”.
