Dy persona janë vënë në pranga nga uniformat blu dhe një tjetër është proceduar penalisht për shkak se kryenin ndotje të ajrit, me pasoja për shëndetin e qytetarëve.
Personat e arrestuar janë shtetasit Sh. T., 57 vjeç dhe S. Z., 65 vjeç, banues në Kameras, Fushë Krujë, si dhe proceduan në gjendje të lirë shtetasin Sh. Sh., 45 vjeç, banues në Krujë.
“Këta shtetas,ditën e djeshme, në Krastë, Krujë, në një gropë gëlqereje po digjnin mbetje të ndryshme, duke shkaktuar tym e gazra dhe arome të rëndë, të dëmshme për shëndetin e qytetarëve” -thuhet në njoftimin e policisë.
Materialet i kaluan Prokurorisë së Rrethit Gjyqësor Krujë, për veprime të mëtejshme.
