Thomas Strakosha është një ndër portierët më të mirë në Serinë A. Perfomancat e tij me Lacion e kanë bindur klubin e Lacios për t’i ofruar 24-vjeçarit, rinovimin e kontratës.
Igli Tare i ka ofruar dyfishim page 24 vjeçarit për ta bindur të qëndrojë edhe për disa sezone në “Olmpico”.
Kontrata e gardianit shqiptar me skuadrën e drejtuar nga Simone Inzagi është deri në 2022 me një pagë prej një milionë euro, ndërsa me kontratën e re paga e tij do të jetë 2 milionë euro plus edhe bonuset.
Strakosha është pjesë e Lacios prej 5 vitesh, ndërsa 3 vitet e fundit ka qenë në rolin e titullarit. Me kryeqytetasit ai ka zhvilluar 163 ndeshje.
