Manchester United luan sot në transfertën e Derby County me synimin për të siguruar çerekfinalen e Fa Cup.
“Djajtë e Kuq” po përjetojnë një sezon me ulje-ngritje të vazhdueshme teksa e kanë të vështirë të gjejnë vazhdueshmërinë e rezultateve. Ndeshja e fundit e skuadrës ishte kundër Everton-it e luajtur në “Goodison Park” që përfundoi në barazim 1-1.
Ndërsa për sa i përket statistikave në Fa Cup, United e ka fituar kompeticionin 12 herë ndërsa triumfi i fundit ishte në vitin 2016 kundër Crystal Palaces, ndërsa 8-të përballjet e fundit ndaj Derbit,pikërisht në këtë kompeticion i ka fituar.
Derby nga ana tjetër militon në Championship dhe renditen në vendin e 13-të, ndërsa së fundmi fituan me rezultatin 3-1 ndaj Sheffield Wednesday. Kujtojmë që në radhët e Derby-t luan legjenda e Manchester United, Wayne Rooney, për të cilin do të jetë një ndeshje e veçantë.
Fituesi i këtij çifti do të përballet me skuadrën e Norwich të cilët mposhtën Tottenham-in pas gjuajtjeve të penalltive.
