Coronavirusi godet klubin e njohur danez

Klubi i Superligës së Danimarkës në futboll, Brondby, ka njoftuar se 13 persona të klubit janë në karantinë, me dyshime se mund të jenë infektuar nga koronavirusi.

Lajmin e ka bërë të ditur klubi në faqen zyrtare ditën e sotme.

Në ndeshjen e Superligës së Danimarkës mes Brondbyt dhe Lyngbyt në stadium mysafir ishte ish-reprezentuesi i Danimarkës dhe ish-lojtari i Brondbyt, Thomas Kahlenberg. Është konstatuar se Kahlenberg është i infektuar me koronavirus. Ai ka marrë virusin gjatë një vizite në Amsterdam së fundi.

LEXO EDHE  Tifozët deklaratë kundër Superligës, nismës i bashkohen edhe TKZ

Brondby ka dërguar në izolim gjithë personat që ishin në kontakt direkt me Kahlenbergun në ndeshjen e të dielës. Në mesin e tyre është mbrojtësi Joel Kabongo, ndihmës-trajneri Martin Retov, si dhe shefi ekzekutiv i klubit Ole Palma.