Ish-banorja e Big Brother, Genta Gjalpi ka folur lidhur me eksperiencën e saj pasi doli nga shtëpia më e famshme në Shqipëri.
E ftuar në emisionin “Shqipëria live”, Genta ka treguar se për shkak të publikimit të fotove intime me të dashurin në momentin kur ajo ishte brenda “Big Brotherit”, e ka përjetuar keq eksperiencën e saj.
Ajo u shpreh se kur kishte dalë kishte rënë në depresion dhe nuk kishte pasur guxim që të shihte familjarët në sy.
“Kam qenë e padjallëzuar dhe nuk e dija ç’më priste. Kur kam dalë kam qënë në depresion për disa gjëra që kanë ndodhur aty. E kam përjeturar shumë keq. Kur isha brenda ndodhën disa gjëra jashtë nga një lidhje e ime romantike jashtë. S’i dilja dot para familjes dhe njerëzve të tjerë,”-u shpreh Genta.
Gjatë kohës kur Genta Gjalpi ishte brenda shtëpisë në “Big Brother” në rrjete socialiale u publikuan foto intime të saj me të dashurin, të cilat iu komunikuan edhe ish-banores brenda shtëpisë. Megjithatë ajo zgjodhi që të qëndronte brenda “Big-ut”.
