Një aksident ka ndodhur mbrëmjen e sotme në Vlorë, ku për pasojë ka humbur jetën një 60-vjeçar. Viktima është Novruz Havaraj dhe është shtypur nga një skrep që po kryente punime. Ngjarja e rëndë ka ndodhur në Fushë-Dukat në Vlorë, ndërkohë që policia ende nuk ka një reagim për aksidentin.
“Rreth orës 18:10, në një rrugë dytësore të fshatit Dukat, Vlorë, një këmbësor rreth 60 vjeç është zënë poshtë dyshohet aksidentalisht nga një skrep i një firme private e cila kryente punime në këtë rrugë. Si pasojë 60 vjeçari N.H ka humbur jetën. Drejtuesi i skrepit është larguar nga vendi i ngjarjes por po punohet për kapjen e tij. Grupi hetimor ndodhet në vendngjarje dhe po kryen veprimet e mëtejshme në lidhje me sqarimin dhe zbardhjen e rrethanave”, njoftoi policia.
