Chelsea dhe Liverpool do të vihen përballë njëra-tjetrës në fazën çerekfinale të Fa Cup. Kjo do të jetë hera e tretë që skuadrat përballen në këtë sezon, teksa më parë janë ndeshur në finalen e Superkupës së Europës dhe në ndeshjen e parë të kampionatit. Në të dyja ndeshjet skuadra e Liverpool-it ka dalë triumfuese.
Vëmendja e Jurgen Klopp është kthyer plotësisht te Championsi dhe trajneri i “The Reds” pritet të ulë në stol disa titullarë mbrëmjen e sotme, ndërkohë që Lampard ka grumbulluar për herë të parë në skuadrën e parë të Chelsea-t për këtë ndeshje talentin shqiptar Armando Broja. Blutë e Londrës në FA Cup kanë mundësinë e vetme për të fituar një trofe në këtë sezon dhe Chelsea do të bëjë çmos për të triumfuar ndaj Liverpool-it. Takimi luhet në orën 20:45.
