“Zëri i popullit zëri i zotit”. Më këtë frazë e nisi fjalimin e tij para podiumit të krijuar rishtazi në bulevardin para zyrës së tij Presidenti Ilir Meta.
Meta e quajti mazhorancën një grup puçist, foli dhe për organizata ndërkombëtare mafioze që sipas tij, po kërkojnë të shkatërrojnë sovranitetin dhe Kushtetutën e vendit.
“Presidenti i popullit Kuq e Zi ulet në gjunjë vetëm para flamurit Kuq e Zi dhe vetëm flamurit Kuq e Zi, para popullit të shqiponjave, këtë ta dëgjojnë mirë puçistët vendas dhe organizata ndërkombëtarë mafioze që kërkon të shkatërrojë sovranitetin dhe Kushtetutën tuaj”, tha Meta.
“Neni 2 i Kushtetutës që ju votuat me referuam thotë se sovraniteti i përket vetëm popullit. Ndaj iu kam ftuar, jo si Ilir Meta po si Presidenti juaj si i vetmi institucion legjitim demokratik që ka mbetur në këtë shtet. Për të dëgjuar zërin tuaj. Se kur institucionet bien, ngrihet populli. Dhe populli nuk futet në xhep si paratë e oligarkëve”, shtoi ai.
