Pjesë e manifestimit të sotëm të thirrur nga presidenti Ilir Meta do të jetë edhe kryedemokrati, Lulzim Basha.
Një ditë më parë Basha e konfirmoi pjesëmarrjen e tij si qytetar i Shqipërisë dhe jo si një politikan.
Por kush do ta shoqërojë Bashën në sheshin “Dëshmorët e Kombit”?
Mësohet se kryedemokrati do të shoqërohet nga shkrimtari dhe ish-politikani Besnik Mustafaj gjithashtu edhe nga regjistori Besnik Bisha.
Ditën e sotme në orën 17:00 pritet të nisë manifestimi në bulevardin “Dëshmorët e Kombit”, i organizuar nga Presidenti Ilir Meta, pasi ky i fundit e akuzon kryeministrin Edi Rama, për grusht shteti.
Manifestimi do të zgjasë dy orë dhe pritet të përfundojë në orën 19:00. Javët e fundit, Presidenti Ilir Meta i bëri thirrje shumë herë popullit për të marrë pjesë në këtë manifestim dhe shprehej se shqiptarët duhet të jenë në shesh për të mbrojtur Kushtetutën.
