Mesditën e kësaj të hëne, Ambasadorja e ShBA-së në Tiranë Yuri Kim dhe kryedemokrati Lulzim Basha zhvilluan një takim pune në hotelin “Rogner” në kryeqytet.
Pas takim që zgjati pak më shumë se dy orë, të dy nuk kanë dhënë detaje për mediat në lidhje me atë se çfarë folën
“Gjithçka biseduam është mes nesh. Kishim një bisedë të këndshme, ishte një bisedë e frytshme”, është shprehur ambasadorja e SHBA-së, Yuri Kim.
Ndërsa Basha ka bërë një vlerësim për Yuri Kim si një mike dhe përfaqësuese e aleatëve strategjikë.
“Pata një bisedë shumë të mirë me miken tonë e përfaqësuesen e aleatëve tanë strategjikë, Shtetet e Bashkuara të Amerikës”, tha Basha.
Ky është takimi i dytë që kreu i PD-së zhvillon me Kim, që nga momenti që ajo ka ardhur në Shqipëri si ambasadore e SHBA.
Takimi u zhvillua vetëm disa orë para manifestimit të thirrur nga Presidenti Ilir Meta që do të zhvillohet në orën 17:00, kundër “grushtit të shtetit”
