Aktori Neritan Liçaj, një prej mbrojtësve të godinës së Teatrit Kombëtar, i ka drejtuar një thirrje të fortë qytetarëve që t’i bashkohen manifestimit kombëtar të thirrur në Presidenti Ilir Meta, pasditen e sotme në bulevardin “Dëshmorët e Kombit”.
“Kush është burrë, sot çohet!
Kush është zonjë, sot del për të ardhmen e fëmijëve të saj, që të mos i ikin nga vatra!
Kush është i ri, sot del si në 1990-ën!”, shkruan Liçaj në rrjetet sociale.
Presidenti Meta ka thirrur manifestimin nën moton e mbrojtjes së Kushtetutës, ndërsa ka paralajmëruar se do të firmosë dekretin e parë, kundër asaj që e cilëson si “grushti i shtetit”.
Meta ka kërkuar nga qytetarët që të mbajnë flamuj kombëtar dhe mimoza.
Rreth 3 mijë vullnetarë janë angazhuar për mbarëvajtjen e manifestimit, ndërkohë që policia njoftoi angazhimin e 1 mijë forcave, përfshi këtu edhe ato të FNSH dhe Shqiponjat.
