Zbardhet dosja e plotë e prokurorisë së Përmetit për të arrestuarit në kuadër të operacionit “Mezhgorani”. Një dosje e plotë, 59 faqe material brenda së cilës ndodhen përgjime të shumta si dhe biseda të bëra mes të pandehurve dhe personave të tretë.
Mes këtyre materialeve gjendet edhe një pjesë ku vërtetohet se cili ka qenë roli i saktë i personave ku implikohet edhe emri i botuesit Henri Çili. Më saktë, prokuroria thotë se ka qenë kunati i Henri Çilit ai që ka shfrytëzuar pozicionin e tij, për të arritur qëllimin e dëshiruar.
Në dosje thuhet se Enri Ajdini duke përdorur Çilin kërkonte shuma të mëdha parash tek persona të tretë, me pretendimin se kishte njohje të mëdha në sistemin e drejtësisë dhe mund të ndërhynte në uljen e dënimit.
Siç shihet dhe në dosje, Ajdini duke përdorur Çilin i ka marrë shtetasit Abrjon Aliko i dënuar me burgim të përjetshëm shumën e 750 mijë eurove, me pretendimin se do të ndërhynin në uljen e dënimit.
Gjithashtu në dosje thuhet se Ajdini dhe shtetasi Daniel Yzeiraj duke përdorur Henri Çilin për shkak të njohjeve i kanë marrë shtetasit Feti Yzeiraj shumën e 75 mijë eurove me të njëjtin pretendimin, atë të uljes së dënimit.
Ndërkohë në dosje thuhet se përveç Çilit në këtë skenë mashtrimi janë përdorur edhe shtetasit Besnik dhe Seit Fishta, në mënyrë që të ishin sa më bindës përballë palëve të interesuara që kërkonin ulje të dënimit.
Mëposhtë keni dokumentin e plotë të dosjes së prokurorisë:
