Evertoni dhe Manchester United janë ndarë në barazim 1-1 në përballjen mes tyre të zhvilluar në “Goodison Park”. Ishin dy portierët që vendosën takimin me nga një gafë për secilin. Fillimisht, De Gea u tregua vërtet amator në minutën e tretë, teksa i fali golin e parë të ndeshjes sulmuesit Calvert-Lewin.
Më pas, Manchester e shtoi presionin dhe barazoi me anë të Bruno Fernandes, i cili goditi fort duke mposhtur Pickord, që nga ana e tij mund të kishte bërë më shumë për ta evituar golin. Pjesa e dytë ishte e mbushur me ritëm, por asnjë nga ekipet nuk arriti të shënonte, duke mbyllur gjithçka në 1-1.
Manchester mbetet në vendin e pestë me 42 pikë, ndërsa Everton me pesë pikë më pak në vendin e 11-të.
