Në seancën ku pritet të shpallen masat e sigurisë, Prokuroria e Përmetit, e përfaqësuar nga prokurori Asllam Bajrami, ka kërkuar maasën e sigurisë ‘arrest me burg’ për të arrestuarit nga operacioni “Mezhgorani”, mes të cilëve është edhe botuesi dhe analisti, Henri Çili.
Ndërkohë, mësohet se për dy të arrestuarat, Shpresa Gjoçaj dhe Kejsi Meço, prokurori ka kërkuar masën e sigurisë “arrest shtëpie”.
Për të arrestuarin tjetër Betim Shkupi, ende nuk ka një qëndrim, pasi në fillimet e seancës u deklarua se gjyqtari Dritan Hasani, kishte njohje me Shkupin, pasi kishin qenë në një shkollë.
Në këto kushte, masa e sigurisë për të do të caktohet nga një tjetër gjyqtar.
