Presidenti Ilir Meta nuk ka fshehur entuziazmin mbi pjesëmarrjen në manifestimin e 2 marsit të Kristian Demajt, kampion boksi.
Ky i fundit ka konfirmuar se do të jetë pjesë e manifestimit të 2 marsit, i thirrur nga Presidenti Ilir Meta, për atë që e quan “mbrojtja e Kushtetutës” dhe ku pritet të firmosë dekretin e parë kundër atij që Kreu i Shtetit e konsideron si “grusht shteti”.
“I lumtur që edhe kampioni Christian Demaj, pas triumfit të mbrëmshëm në Gjermani ku fitoi një tjetër titull, ka apeluar në mbështetje të Manifestimit Mbarëkombëtar të thirrur nesër më ✌mars.
Edhe pse ka lindur dhe jeton në Gjermani, Christiani përfaqëson vetëm ngjyrat Kuqezi.
Mirësevjen kampion, por pa doreza, se Manifestimin e kemi paqësor!”, shkruan Meta në rrjet.
Gjithashtu pjesëmarrjen në manifestimin e 2 marsit e ka konfirmuar edhe Ballist Morina, i cili u bë i njohur me dronin që ngriti në stadiumin e Beogradit, pak vjet më parë, gjatë ndeshjes Serbi-Shqipëri.
