Besart Berisha ka realizuar një dopietë në fitoren e thellë 6-2 të ekipit të tij Western United kundër Central Coast Mariners.
34-vjeçari me këto gola, e thellon rekordin e tij si shënuesi më i mirë në historinë e A-League teksa ka arritur në shifrën e 127 golave. Më parë në kampionatin australian, ai ka luajtur me Melbourne Victory-n për të cilët ka shënuar 66 gola dhe Brisbane Roar ku shënoi 44 gola.
Skuadrës së Western United, shqiptari iu bashkua këtë sezon teksa ka shënuar 13 gola në 15 paraqitje, ndërsa është në garë edhe për Kepucën e Artë të kampionatit.
