Delegatët në Kongresin e Partisë Socialiste kanë zgjedhur anëtarët e rinj të Asamblesë Kombëtare.
Sipas të dhënave nga PS, pjesëmarrja në votime ishte 85.3%, thënë ndryshe votuan 1242 delegatë nga 1456 të tillë.
Ata kanë zgjedhur 135 anëtarët e Asamblesë Kombëtare, e cila pritet të mblidhet brenda muajit mars për zgjedhjen e drejtuesit të saj, por edhe Kryesisë së re të PS-së.
Mes emrave të anëtarëve të Asamblesë janë votuar dhe zgjedhur edhe Vangjush Dako dhe Qaazim Sejdini.
“Këto votime treguan edhe një herë rritjen e përfaqësisë së vajzave/grave në strukturat e partisë, të cilat do të përbëjnë 45.2% të Asamblesë Kombëtare”, thuhet në një reagim të socialistëve.
