E pabesueshme, por e vërtetë, Olympiacos ka mposhtur Arsenalin në “Emirates” duke eliminuar skuadrën e Mikel Arteta nga Europa League.
Ishte një ndeshje dramatike dhe tepër e luftuar, sidomos nga miqtë të cilët kanë besuar deri në fund duke triumfuar falë punës së palodhur.
Pas një pjese të parë pa shumë për të treguar, sfida u ndez pas pushimit me golin e Cisse për miqtë.
Me këtë rezultat ata arritën ta çonin ndeshjen në kohë shtesë duke trembur tifozët vendas.
Megjithatë, ishte Pierre-Emerick Aubameyang i cili me golin e tij në minutën e 113 ka shënuar golin e barazimit.
Grekët nuk janë dorëzuar dhe mrekullisht kanë shënuar golin e avantazhit në minutën e 119′ me El Arabi. Rezultati final duke përfshirë dhe ndeshjen e parë do të ishte 2-2, me grekët që kualifikohen falë 2 golave të shënuara në fushën kundërshtare.
