Ceremonia mortore e Nexhimje Hoxhës, gruas së diktatorit Enver Hoxha, është zhvilluar ditën e djeshme. Pavarësisht përfshirjes së saj në nivelet më të larta të vendimmarrjes në klikën komuniste, Nexhmija nuk pranoi kurrë asnjë përgjegjësi, e as nuk kërkoi falje. Ajo nuk u pendua kurrë për krimet monstruoze të bëra gjatë diktaturës.
Nexhmija, në testamentin e saj është shprehur se “nuk njeh Zot”. Një ndër vendimet më famëkeqe të regjimit ka qënë ndalimi ligjor i çdo besimi fetar, duke e bërë Shqipërinë vendin e parë ateist në historinë botërore. Gjatë asaj periudhe u shkatërruan shumë kisha dhe xhami, si dhe u vranë, burgosën e u internuan shumë përfaqësues të klerit fetar shqiptar.
Pavarësisht se Nexhmija “ nuk njeh Zot”, Rezarta Shkurta, nusja e nipit të saj është e bindur se përtej kësaj bote, ka një autoritet hyjnor që na gjykon të gjithëve, duke shprehur kështu besimin e saj në Zot.
“Shiu ndaloi kur duhej! Retë u hapën për ti lënë vend rrezeve të shkëlqenin tokën. Është dikush atje lart, që gjykon më mirë se ne këtu poshtë” – shkruan Rezarta në një postim në Instastory.
Kujtojmë që menjëherë pas lajmit të vdekjes së Neshmijes, Rezarta i kushtoi asaj një postim në Instagram ku shkruante: “Pata fatin te njohe nje zonje “Histori”. Nje gjyshe e stergjyshe te dashur. Nje grua shekullore per nga mosha, fuqija dhe dija e saj. Nje grua luftarake deri ne fund! Kujtimet dhe pershtypjet e para qe kam per Nexhmije Hoxhen ishte perpikmerija. Oraret e sakta pa levizur sekondi, ne zgjimin , vaktet, takimet apo kur ulej te shkruante kujtimet e saj. Per mua aso kohe por edhe sot ishte dhe eshte e pabesueshme se si nje njeri per aq vite me aq perpikmeri te organizonte jeten e saj. Me pas pata fatin te isha fotografja personale. Nderkohe qe e fotografoja kete zonje 99 vjeçare, pasi me kish cituar me perpikmeri se si e deshironte foton, apo korigjonte ne menyre te detajuar kendet fotografike, kuptoja se jo rastesisht kjo zonje kish bere Histori. Nje nga planet e saj, ishte te realizonte librin e saj te fundit “ Perjetime dhe meditime ne jeten time politike” e me pas e qeshur thoshte mund te iki nga kjo bote. Dhe ashtu beri kjo zonje e mahnitshme, e zbatoji planin e saj sic kish bere gjithe jeten e saj. E forte, e kthjellet me nje memorie te jashtezakonshme, sot nuk u zgjua nga pushimi i pasdites, por la pas dashurine dhe nje trashegimi historike. U prefsh ne paqe Nena Mija”
