Arrestohet pronari i Universitetit Europian të Tiranës dhe botuesi Henri Çili.
Dosja.al raporton se Çili është arrestuar bashkë me 6 persona të tjerë, të cilët janë transferuar nën forca të shumta policore drejt qytetit jugor.
Urdhër-arrestet për ndalimin e tyre janë lëshuar nga Prokuroria e Gjirokastrës, pasi akuzohen se ndikuan tek gjyqtarët për të liruar nga burgut bandën e Lazaratit. Të njëjtat burime bëjnë me dije se Çili ka korruptuar një gjyqtarin (identiteti i të cili ende nuk dihet) për të nxjerrë nga burgu bandën e Lazaratit, raporton Dosja.
Gjithashtu forca të shumta policore kanë bërë rrethimin e Universitetit Evropian të Tiranës, ku janë zhvilluar kontrolle përgjatë natës. Të dhënat janë ende paraprake dhe pritet një reagim zyrtar nga Policia e Shtetit, shkruan Dosja.al.
