Qerim Kelmendi, ish-luftëtar i UÇK-së, raportohet se është vrarë dhe më pas trupi i tij është djegur. Ngjarja ka ndodhur në Pejë, ndërsa policia ka nisur hetimet. Qerim Kelmendi është vëllai i Ibrahim Kelmendit.
Emri i tij viteve të fundit ishte përmendur për vrasjet e pasluftës, raporton Bota Sot.
Shkumbin Mehmeti, dëshmitar i mbrojtur i Prokurorisë Speciale, në një rrëfim kishte akuzuar vëllezërit Qerim dhe Ibrahim Kelmendi për organizim të vrasjeve të pasluftës në Kosovë.
Mehmeti, që ka pranuar se ishte anëtar i një grupi vrasësish, bashkë me vëllezërit Kelmendi, ka thënë se Kelmendët kanë urdhëruar vrasjen e deputetit të LDK-së, Smail Hajdarajt, dhe të Tahir Zemajt.
“Dëshmitari ka thënë po ashtu se Kelmendët kanë ngakuar Florim Ejupin me detyrë për vrasjen e Xhavit Halitit, deputet i PDK-së – por se plani për vrasjen e tij ka ngecur.
Pas akuzave të Mehmetit, kishin reaguar të dy vëllezërit Kelmendi.
Qerimi, cili u vra mbërë i ka cilësuar akuzat “telenovelë”.
“Telenovela që po tjerret qe 10 vite ! E paska zbulue Makinën ne Avull !”, kishte shkruar ai në llogarinë e tij në rrjetin social, duke komentuar akuzat e Mehmetit”, shkruan Botasot.
