Policia ka vënë në pranga tre persona në kuadër të operacionit të koduar “Kodovjat”, pasi iu gjeti lëndë narkotike cannabis sativa.
Bëhet fjalë për shtetasit me iniciale V.P., 31 vjeç, N.B., 44 vjeç dhe Xh.K., 29 vjeç, lindur në Gramsh.
Sipas policisë, “arrestimi i tyre u bë pasi në aksin rrugor Gramsh-Kodovjat, shërbimet e Policisë gjatë kontrollit të ushtruar në automjetitn tip “Opel” kanë gjetur një sasi lënde narkotike cannabis sativa. Në vijim të operacionit, janë gjetur edhe një sasi tjetër të lëndës narkotike, të fshehur nga këta persona në aksin rrugor Gramsh-Kodovjat, ku në total u gjetën dhe u sekuestruan rreth 13 kg lëndë narkotike kanabis dhe dy automjete”.
Ghithashtu bëhet me dije se vijon puna për identifikimin dhe arrestimin e personave të tjerë që janë të përfshirë në këtë veprimtari kriminale.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale “Prodhimi dhe shitja e narkotikëve”.
