Me sezonin aktual i cili është vetëm në fund të shkurtit, është mjaft befasuese fakti që Erling Haaland ka shënuar 40 gola, më shumë se të gjithë sulmuesit e Real Madrid të marrë së bashku.
Sipas konstatimit të “Marcas”, me Salsburgun, Haaland shënoi 28 gola ndërsa që kur u bashkua me Borussia Dortmund ai ka qenë përsëri në një formë të jashtë zakonshme teksa ka shënuar 12 gola në 8-të paraqitje, duke e çuar totalin e golave në 40.
Në krahun tjetër 8-të sulmuesit që kanë përfaqësuar këtë sezon Realin e Madridit kanë shënuar vetëm 38-të gola të mbledhur së bashku.
Vetëm Karim Benzema është ai që qëndron në kuota të pranueshme, i cili ka shënuar 18 gola megjithëse mjaft larg 19-vjeçarit. Mes futbollistëve të tjerë, Rodrygo ka shënuar shtatë gola, Gareth Bale, Lucas Vasquez dhe Vinicius me nga tre, Luka Joviç dy golandërsa Brahim Diaz dhe Eden Hazard nga një gol.
Një tregues ky për vështirësinë në shënimin e golave nga te Real Madrid, të cilët falë mbrojtjes solide po arrijnë të kenë një sezon pozitiv, ndërsa forma e Haaland nga ana tjetër tregon që norvegjezi do të ishte zgjidhja e të gjitha problemeve të “Los Blancos” në fazën e sulmit.
