(FOTO) Plagosja në Vlorë/ I lënduari në gjendje të rëndë. DETAJET

Një burrë 77 vjeç ka mbetur i plagosur rëndë me thikë këtë të mërkurë. Plagosja ka ndodhur në një lokal, në lagjen “Kushtrimi” të qytetit bregdetar. Sipas një rindërtimi paraprak të ngjarjes, në vazhdën e një konflikti, burri, rreth të 70-tave, është qëlluar me thikë nga një bashkëmoshatar.

I lënduari është transportuar në spital, ndërsa autori i dyshuar është identifikuar nga policia dhe po punohet për kapjen e tij. Burime nga spitali Rajonal bënë me dije se i lënduari ka plagë në brinjë dhe kofshë dhe gjendja e tij është e rëndë. Dyshimet janë se konflikti ka ardhur për një mosmarrëveshje për motive pronësie mes autorit dhe të lënduarit.

LEXO EDHE  I çmendur nga xhelozia, shqiptari tenton të mbysë me tel gruan

“Rreth orës 10:30, në lagjen ‘Kushtrimi’, dyshohet se në një lokal është plagosur me mjet prerës shtetasi M.M., 77 vjeç, banues në Vlorë. I dëmtuari është dërguar në Spitalin e Vlorës për ndihmë mjekësore. Grupi hetimor ndodhet në vendin e ngjarjes dhe po punon për sqarimin e rrethanave. Policia ka identifikuar autorin dhe po punohet për kapjen e tij”, njoftoi Policia.

/BoldNews/