Juventusi do të luajë nesër në mbrëmje, ndeshjen e vajtjes me Lionin, e vlefshme për Ligën e Kampionëve. Fitorja për bardhezinjtë është kusht dhe duhet të tregojnë me lojën e tyre që janë gati t’i shkojnë deri në fund këtij kompeticioni.
Në një intervistë të dhënë për “L’Equipe”, Bonuçi ka folur për këtë takim dhe jo vetëm.
“Është e vërtetë që ne jemi favoritet por ndeshjet fitohen në fushë. Ata kanë një stadium me shumë zhurmë dhe futbollistë të rinj që duan të paraqiten mirë ndaj Juventusit. Ata kanë një trajneri si Rudi Garsia që ka punuar në Itali dhe e di si përgatiten këto ndeshje. Ndeshjet në Ligën e Kampionëve janë të veçanta, cilësia e skuadrave është e lartë”, – shprehet Bonucci.
Për Ronaldon, qendërmbrojtësi i bardhezinjve thotë: “Një lojtar i jashtëzakonshëm për teknikën dhe këmbënguljen. Një makinë lufte. Duke qenë në Torino, besoj se të gjithë, duke e vëzhguar atë çdo ditë në stërvitje, kanë marrë diçka për ta përmirësuar atë”.
