Beyonce mori pjesë ditën e djeshme në homazhet për mikun e saj të ndjerë Kobe Bryant duke performuar këngën e tij të preferuar XO, në memorialin publik të yllit të NBA të hënën.
Ajo u shfaq në Staples Center në Los Angeles të hënën, e veshur me një kostum të shndritshëm në ngjyrë mustardë, për të performuar para 20 mijë personave, mes të cilëve edhe çiftet e famshme si Kim Kardashian-Kanye West dhe Jennifer Lopez- Alex Rodrigues.
Ajo u fotografua më vonë duke ngushëlluar bashkëshorten e Kobe-t Vanessa. Por fotografitë e këngëtares gjatë eventit u vonuan të bëheshin publike pasi Beyonce nuk pranoi të publikoheshin para se t’i konfirmonte ajo personalisht.
“Ishte kaq fyese për familjen e Kobe dhe fansat, Beyonce po kontrollon aq shumë imazhin e saj. Zakonisht lejon të publikohen vetëm imazhe të përzgjedhura nga ajo, kështu që asnjë fotografi nuk u lejua ti bëhej asaj në memorialin e Kobe,”- tha një burim. “As familja e Michael Jackson nuk e bëri këtë. Një personel i Staples Center u vendos në skenë për të mos lejuar asnjë kamera të vetme. Fotografët nuk mund ta besojnë këtë. Kjo nuk e ndihmon imazhin e Beyonce, vetëm e dëmton atë. E bën të duket si Diva.” – ka thënë një burim.
Burimi tha se të vetmet foto të kapura të këngëtares ishin nga pamjet e televizionit dhe se artistë të tjerë që morën pjesë si Christina Aguilera dhe Alicia Keys, nuk bënë kërkesa të tilla.”
Beyonce në përgjithësi anashkalon çdo paraqitje në tapetin e kuq dhe në vend të tij, ajo bën disa foto personale të redaktuara të cilat i publikon, përmes faqes së saj të internetit dhe mediave sociale.
Kjo ka qenë politika e saj që nga viti 2013, kur publicistja e këngëtares u kërkoi agjencive ose faqeve të internetit që të hiqnin fotot “e paqarta” të Beyonce-s të bëra gjatë performancës së saj energjike në Super Bowl.
