Tre persona të shpallur në kërkim janë vënë në pranga nga policia e Korçës për një ngjajre të ndodhur nëntorin e vitit të kaluar.
Personat e arrestuar janë shtetasit M.Sh., 20 vjeç, banues në fshatin Voskop, si edhe dy vëllezërve Xh. Sh., 22 vjeç dhe A. Sh., 23 vjeç, banues në Korçë.
Ata u arrestuan për një ngjarje të ndodhur në datën 23 nëntor 2019 në lagjen nr. 8, ku gjatë një konflikti për motive të dobëta midis disa shtetasve, njëri prej tyre ka qëlluar me armë zjarri në ajër.
Gjykata e Rrethit Gjyqësor Korçë me vendimin e datës 02.02.2020, ka caktuar ndaj tyre masën e sigurisë “Arrest në burg” konkretisht ndaj shtetasit Xh. Sh., për veprat penale “Vrasja me dashje, e mbetur në tentativë”, “Armëmbajtja pa leje”; ndaj shtetasit A. Sh., për veprën penale “Sigurimi i kushteve dhe i mjeteve materiale për të kryer vrasje”; si edhe ndaj shtetasit M. Sh, për veprën penale “Përkrahja e autorit të krimit”.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
