Shënohet viktima e katërt nga epidemia Koronavirus në Itali.
Një 84-vjeçar i prekur nga ky virus ka ndërruar jetë në qytetin e Bergamos. Ai ka vdekur në spitalin Papa Giovanni, dhe nuk i ka mbijetuar dot këtij virusi që e kishte prekur.
Më herët në Itali kanë vdekur edhe dy të moshuar të tjerë dhe një grua e sëmurë me kancer që ishte prekur nga koronavirusi.
Deri më tani në Itali janë regjistruar 152 të infektuar me koronavirus. Më shumë se 50 000 njerëz në Lambardi dhe Veneto janë në karantinë, ndërsa shkollat, zyrat publike dhe jo publike janë mbyllur dhe të gjitha aktivitetet publike janë anuluar.
Italia renditet tashmë e para në Europë për numrin e personave të infektuar dhe e katërta në botë pas Kinës, Koresë se Jugut dhe Japonisë.
