Shkon në 5 numri i viktimave të shkaktuara nga koronavirusi në Itali. Autoritetet italiane kanë konfirmuar se një 88-vjeçar nga Lodi, i prekur nga virusi, ka humbur jetën.
Edhe ai ishte prekur disa ditë më parë nga virusi vdekjeprurës dhe nuk i ka mbijetuar dot.
Në orët e para të mëngjesin humbi jetën dhe një tjetër i moshuar në Bergamo.
Deri më tani në Itali janë regjistruar 213 të infektuar me koronavirus. Më shumë se 50 000 njerëz në Lambardi dhe Veneto janë në karantinë, ndërsa shkollat, zyrat publike dhe jo publike janë mbyllur dhe të gjitha aktivitetet publike janë anuluar.
Italia renditet tashmë e para në Europë për numrin e personave të infektuar dhe e katërta në botë pas Kinës, Koresë se Jugut dhe Japonisë.
