Një shqiptar i shtruar në një spital në Itali, pasi paraqiti simptoma të ngjashme me ato të koronavirusit ka rezultuar negativ (jo i prekur).
Lajmin e bëjnë me dije mediat italiane, që raportojnë se shqiptari me banim në Verona, u paraqit dje në spitalin e Ariano Irpino, në provincën e Avellino, si një person i dyshuar se ishte prekur nga koronavirusi.
Ai kishte temperaturë të lartë dhe probleme me frymëmarrjen.
Por, pas testeve rezultoi se nuk kishte koronavirus.
Një ditë më parë, ambasada shqiptare në Itali si dhe ministri i Jashtëm Gent Cakaj bënë me dije se nuk ka shqiptarë të infektuar me koronavirus në Itali.
