Policia e Sarandës i ka sekuestruar një shtetasi francez një shumë parash prej 106 890 euro dhe 102 dollarë.
Francezi i kishte me vete këto lekë dhe nuk i kishte deklaruar në kufi kur kishte hyrë në teritorin shqiptar.
“Ky shtetas kishte hyrë në Shqipëri nëpërmjet aeroportit të Rinasit dhe nuk kishte deklaruar shumën e të hollave në kufi, sipas ligjit dhe në momentin e gjetjes së shumës së parave nuk dispononte dokument me vete për të justifikuar burimin e tyre.” – njofton Policia
Shtetasi R. Ch. u procedua penalisht në gjendje të lirë, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”.
Gjithashtu, ky shtetas u procedua edhe për shkelje të rregullave të qarkullimit rrugor.
Policia bën me dije se vijon puna për zbardhjen e plotë të këtij rasti.
