Gjykata e Vlorës ka dhënë vendimin për 6 të arrestuarit të dyshuar se janë pjesë e një rrjeti kontrabande me mbetje kimike të rrezikshme, të dyshuar si amiant.
Gjykata ka lënë në burg tre nga gjashtë të arrestuarit.
Është caktuar masa “Arrest me burg” për Kujtim Xhafellarin 65-vjeç (zv.kapiten i anijes “ST Damin”), Arbër Çunin 28-vjeç (shofer i kompanisë “Delfini 1”, djali i Elisabetës), Zamir Kornuzi 46-vjeç (administrator i një pike grumbullimi mbetjesh, “Komuzi”).
Ndërsa për Elisabeta Çunin 55-vjeçe (administratore e kompanisë “Delfini 1”) dhe Festim Tafa, 72-vjeç (kapiteni i anijes “ST Damian”) është vendosur masa “arrest shtëpie”.
Ndërsa për Agron Bratajn 48-vjeç (administrator i kompanisë “Euroferries”) është caktuar masa “Detyrim paraqitjeje”.
Të gjithë këta persona janë të dyshuar për kryerjen e veprave penale të “Kontrabandës me mallra të ndaluara”, të kryer në bashkëpunim, si edhe për “Menaxhimi i mbetjeve” dhe “Transporti i mbetjeve”.
Ndërkohë më herë BoldNews.al ka zbardhur dosjen e plotë të Prokurorisë.
Dosja e Plotë/ Si kryhej trafiku i lëndëve të rrezikshme nga Italia në Vlorë, masat në gjykatë
