Dy drejtues automjetesh u arrestuan nga policia në kushtet e flagrancës, pasi ishin në timon në gjendje të dehur. Ndërkohë policia ka pezulluar 22 leje drejtimi.
Përmes një postimi në rrjet, policia bën me dije se ka evidentuar shumë raste kur drejtues mjetesh abuzojnë me shpejtësinë, duke rrezikuar veten dhe të tjerët, me shpejtësi që variojnë nga 141 km/h – 175 km/h, e mjaftueshme për të shkaktuar tragjedi në rrugë, në rast aksidenti rrugor.
“Shpejtësia, alkooli, manovrat e rrezikshme në rrugë, mos rregullimi i shpejtësisë mbeten sfidat e rrugorëve të kryeqytetit përgjatë fundjavës.
Nga konstatimet, evidentohen akoma drejtues mjetesh që abuzojnë me shpejtësinë, duke rrezikuar veten dhe të tjerët, me shpejtësi që variojnë nga 141 km/h – 175 km/h, e mjaftueshme për të shkaktuar tragjedi🚑 në rrugë, në rast aksidenti rrugor.
Nga verifikimet ne terren, deri në këto momente janë pezulluar 16 leje drejtimi për shpejtësi mbi normat e lejuara, 6 të tjera për drejtim mjeti nën efektin e alkoolit si dhe 2 drejtues mjetesh të arrestuar në kushtet e flagrancës për drejtim mjeti në gjendje të dehur”, thuhet në postimin e policisë.
