Mbesa e sulmuesit të Paderborn, Streli Mamba, vetëm 14-muajshe, ka humbur jetën pasi është rrëzuar brenda stadiumit “Allianz Arena, ndërsa po luhej ndeshja mes Paderborn dhe Bayern Munchen të premten në mbrëmje.
Përpjekjet për të risjellë në jetë vogëlushen ishin të pasuksesshme, edhe pse ajo u dërgua menjëherë në spitalin e Mynihut.
Të dy klubet konfirmuan ngjarjen e tragjike përmes deklaratave në faqet e tyre zyrtare në internet.
“I gjithë klubi është i tronditur nga ajo që ka ndodhur dhe i shprehim ngushëllimet familjes. Ju lutem të respektojmë privatësinë e tyre dhe për këtë arsye nuk do të komentojmë më mbi këtë incident”, – thuhej në faqen e Paderbon.
“Pas disa përpjekjesh për ta sjellë në jetë në stadium, vajza u dërgua në spital, por nuk mund të shpëtohej”, shkruhej në faqen e Bayern. “Klubi është i tronditur dhe i shpreh ngushëllimet familjes së vajzës”.
