Autoritetet greke kanë shkatërruar një grup kriminal që grabiste me armë dhe trafikonte drogë në territorin helen.
Pjese e grupit ishin dhe katër shqiptarë, përkatësisht 26, 28, 34 dhe 35 vjeç, si dhe një femër greke 29 vjeç, identitetet e të cilëve nuk bëhen të ditura.
Dy pjesëtarë, 26 dhe 35 vjeç u arrestuan nga policia, ndërsa një 34-vjeçar është momentalisht në burg. Kurse një 28-vjecar, po pjesë e këtij grupi, është në kërkim.
Prej tetorit 2018, ata kishin krijuar një grup kriminal, i cili ka grabitur me armë disa supermarketeve në Athinë.
Ndërkohë, nga përgjimet telefonike rezultojnë edhe si trafikantë droge, ku gjatë kontrolleve u janë sekuestruar mbi 1 kg marijuanë dhe një sasi kokaine.
