Ditën e djeshme, Tirana fitoi 1-2 me përmbysje ndaj Kukësit. Një fitore kjo e drejtpërdrejtë në luftën për titullin kampion, teksa kryeqytetasit morën dhe kryesimin e kampionatit.
Për këtë fitore të marrë, presidenti i klubit, Refik Halili, ka vendosur të shpërblejë lojtarët. Mësohet se për 3 pikëshin e fituar, futbollistët që ishin në fushën e lojës si dhe stafi drejtues janë shpërblyer me nga 2500 euro. Ndërsa premio kanë marrë edhe lojtarët rezervë.
Mësohet gjithashtu se një premio tjetër i pret lojtarët, në rast suksesi ditën e premte në derbi kundër Partizanit.
