Territori shqiptar edhe sot (e premte, 21 shkurt) do të vijojë të karakterizohet nga moti i pa qëndrueshëm.
Sipas MeteoAlb, pjesa më e madhe e ditës do të mbizotërohet nga kthjellimet dhe vranësirat kalimtare. Por pasditja dhe mbrëmja i bëjnë më të dukshme vranësirat në zonat malore.
Temperaturat e ajrit do të vijojnë të ulen në mëngjes, por mbeten të pandryshuara në mesditë duke luhatur vlerat minimale dhe maksimale nga -4°C deri në 14°C.
Era do fryjë e lehtë në tokë dhe mesatare në det me shpejtësi 40 km/h nga drejtimi verior-verilindor duke krijuar në det dallgëzimi 3 ballë.
