F1/ Përfundon dita e 3-të e testeve, Mercedes dukshëm në avantazh

Prej 3 ditësh në Montemelo janë duke u zhvilluar testet parazonale të Formula 1. Edhe pse janë vetëm provat e para, vihet re një avantazh i Mercedes duke treguar forcën.

Ditën e sotme, Valtteri Bottas me kohën 1 minutë 15 sekonda e 732 të mijtat, dukej i pakapshëm për pilotët e tjerë në pistë.

Ndjekësi më i afërt ishte Esteban Ocon me Renault, i cili kishte afro një sekondë e 4 të dhjetat diferencë. Zhgënjim total dhe shqetësim për Ferrarin. Në ditën e tretë të provave, makina e Sebastian Vettel u ndal në pistë pas një problemi në motor, me gjermanin që ishte mbi 2 sekonda e gjysmë më i ngadaltë se Mercedes.

LEXO EDHE  Duka shpërthen keq ndaj Braçes: O kone lehi shefit tënd, janë 20 mijë vetë që jetojnë me sportin

Gjithsesi është akoma herët për të zbuluar pretendentët për këtë sezon, pasi kujtojmë që një vit më parë, Mercedes në testet parasezonale u shfaq me shumë probleme, ndërsa me fillimin e kampionatit historia ishte komplet ndryshe.

Gara e parë e sezonit të ri zhvillohet më datë 15 mars, në çmimin e madh të Australisë.