Policia ka ekzekutuar një aksion të befasishëm gjatë natës që shkoi në qytetet të ndryshme në vend, i cili kishte si qëllim për të goditur ushtrimin e aktivitetit të paligjshëm të lojërave të fatit.
Në komisariat janë shoqëruar me dhjetra persona, kryesisht administratorë të lokaleve të ndryshme, që kanë ushtriuar aktivitetin e lojërave të fatit gjatë viteve të fundit. Ndërkohë që nuk ka ende një komunikatë zyrtare, se sa prej tyre u është prerë fleta e arrestit.
Burime pranë policisë bëjnë me dije se mes personave që janë arrestuar janë dhe emrat e Gramoz Muratajt dhe Elvis Mulajt në zonën e qytetit Studenti, ndërsa janë sekuestruar edhe mjetet që përdornin për lojërat e fatit pa leje.
Gramoz Murataj me origjinë nga Vlora rezulton i dënuar në Itali për drogë, ndërsa sot ka tre kompani me licencë në vendin fqinj për lojërat e fatit.
Elvis Mulaj është vëllai i Natasha Mulajt, kryetares së Kolegjit të Posaçëm të Apelimit, shkalla e dytë e vettingut. Kujtojme se vëllait të tyre, Vladimir Mulajt i kanë vendosur eksploziv në ditët e para të këtij viti në banesën e tij në Qytet Studenti.
