Ikona e informatikës, Larry Tesler, ka vdekur në moshën 74-vjeçare, njofton BBC.
Tesler filloi të punonte në Silicon Valley në vitet 1960, në kohën kur kompjuterët ishin të paarritshëm për pjesën dërrmuese të njerëzve. Falë shpikjeve të tij, ku përfshihen edhe komandat “cut”, “copy” dhe “paste”, kompjuterët personal u bënë të thjeshtë për t’u mësuar dhe përdorur.
Tesler lindi në Bronx, New Yor, në 1945 dhe studioi në Universitetin Stanford të Kalifornisë. Pas diplomimit, ai u specializua në projektimin e ndërfaqes së përdoruesit, që i ka bërë sistemet kompjuterike më të lehta në përdorim.
Ai punoi për një numër të madh firmash kryesore të teknologjisë gjatë karrierës së tij të gjatë. E nisi në Qëndrën Kërkimore Xerox Palo Alto para se Steve Jobs ta mbërthente atë për Apple, ku ai kaloi 17 vite dhe u bë shkencëtari kryesor.
Pasi u largua nga Apple, ai ngriti një “start-up arsimor”punoi për periudha të shkurtra në Amazon dhe Yahoo.
