Nga Presidenca paralajmërohet publikimi i “fakteve të reja tronditëse që dëshmojnë se si po realizohet grushti i shtetit”, në një konferencë që kreu i shtetit Ilir Meta ka planifikuar të mbajë pasditen e sotme.
Lajmërimin e bën Tedi Blushi, zëdhënësi i Presidnetit Ilir Meta. Më herët, Meta bëri thirrje që në datën 2 mars, të gjithë qytetarët të grumbullohen në “Bulevardin Dëshmorët e Kombit” në Tiranë, për të firmosur “dekretin e parë të çmontimit të grushtit të shtetit”.
Reagimi
Në një postim në rrjetet sociale, Blushi shprehet:
Të dashur gazetarë!
Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.
Këto ditët e fundit keni qënë të paparë dhe faleminderit se na keni zgjatur jetën!
Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!
Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta!
Fakte të reja tronditëse që dëshmojnë se si po realizohet grushti i shtetit!
NUK KENI PARË GJË AKOMA!
ME QETËSI DHE DREJTËSI!
