Pep Guardiola ka përgënjeshtruar zërat që e shohin atë larg skuadrës së Manchester City-t gjatë verës.
Pasi City mori dënimin e ashpër nga UEFA, u raportua se Juventusi ishte gati të rrëmbente strategun spanjoll duke parë që nën drejtimin e Sarrit, bardhezinjtë po hasin vështirësi.
Por këto zëra i ka hedhur poshtë vetë Guardiola. Duke folur për “BBC Sport”, pas fitores kundër West Ham mbrëmjen e djeshme, ai deklaroi se City është klubi i tij dhe pavarësisht rrethanave ai do të qëndrojë në detyrë.
“Nëse nuk do të më shkarkojnë, do të jem këtu. E dua këtë klub, më pëlqen që jam këtu. Ky është klubi im pavarësisht rrethanave aktuale”.
“Por asgjë nuk ka mbaruar, ne do ta apelojmë vendimin e Uefas dhe do të presim çfarë do të ndodhë deri në fund”.
