Të tjera detaje janë zbardhur nga operacioni “Amianti” i cili vuri sot në pranga gjashtë persona, të cilët tentuan të fusnin në Shqipëri lëndën kancerogjene që vinte nga Italia. Burime nga grupi hetimor bëjnë me dije se të arrestuarit, kamufloheshin pas një firmë pastrimi dhe kishin bërë mbi 15 rrugë në këtë mënyrë, pa arritur të zbuloheshin.
Enët me mbetjet e rrezikshme, gjashtë të prangosurit i kishin mbështjellë me një letër të verdhë e cila mban sipër logon e një fimre italiane “Eni”. Në fakt logoja “Eni” është një kompani italiane që merret me distribuimin dhe shpërndarjen e gazit në banesa, apo me linjën e energjisë elektrike.
Kjo kompani e ka selinë qëndrore në Romë. Vetë të arrestuarit, zyrtarisht deklaronin se në Shqipëri fusnin produkte kimike për pastrim, në emër të një firme “Delfini 1”. Ata i mbështillnin mbetjet si fuci nafte, i hipnin në furgonin tip “Iveko”, me targë AA 417 SC dhe me anë të tragetit të linjës Brindisi-Vlorë i sillnin në Shqipëri.
Të arrestuarit janë:
Zamir Kornuzi, 46 vjeç, banues në Vlorë pronari i pikës së grumbullimit firma “Kornuzi”
Arbër Cuni, 28 vjeç, banues në Vlorë shoferi i fugonit tip “Iveko”, me targë AA 417 SC
Agron Brataj, 48 vjeç, banues në Vlorë drejtor operativ i agjensisë Euroferries”
Festim Tafa, 72 vjeç banues në Tiranë, kapiteni i tragetit S.T.DAMIAN.
Elisabeta Cuni, 55 vjeç, banuese në Vlorë administratore e firmës së pastrimit “Delfini
Kujtim Xhafellari 65 vjeç banues në Vlorë zv.kapiten i tragetit S.T.DAMIAN.
LEXO EDHE:
Sekuestrohet anija në Vlorë me fibra të rrezikshme kancerogjene, gjashtë në pranga/Video
