Një aksident ka ndodhur këtë mbrëmje në Voskopojë. Sipas informacioneve paraprake, një mjet ka dalë nga rruga duke u përlasur me një mur.
Për pasojë mësohet se është plagosur rëndë drejtuesi i mjetit. Identiteti i tij ende nuk bëhet me dije por mësohet se është transportuar me ambulancë drejt spitalit për të marrë ndihmë mjekësore.
Policia dhe grupi hetimor ndodhen në vendngjarje për të zbardhur rrethanat dhe shkaqet e aksidentit. Dyshohet se shkak i përplasjes është bërë shpejtësia tej normave të lejuara, dhe një parakalim i gabuar.
Korçë/Informacion paraprak
Më datë 20.02.2020, në aksin rrugor Korçë-Voskopojë, në afërsi të kryqëzimit të fshatit Voskop, shtetasi M. M., rreth 24 vjeç, duke drejtuar mjetin tip “Lancia”, dyshohet se ka humbur kontrollin dhe për pasojë ka dalë nga rruga.
Drejtuesi i mjetit, u transportua në Spitalin e Korçës ku ndodhet nën kujdesin e mjekëve.
Grupi hetimor po punon për zbardhjen e rrethanave dhe shkaqeve të aksidentit.
