Ish-deputeti Genc Pollo e ka cilësuar rrëzimin e bustit të diktatorit Enver Hoxha 29 vite më parë si fitoren e parë të shqiptarëve ndaj së keqes.
Me anë të një postimi në Facebook, Pollo shkruan se sot 29 vite më pas, 20 shkurti i 1991 është nja ditë simbolike që ju kujton shqiptarëve se lufta e së mirës kundër së keqes nuk është përfundimtare, ajo zhvillohet në çdo kohë.
Sipas tij sot është e njëjta situatë, ku shqiptarët kanë përballë një tjetër të keqe të madhe me emrin rilindje.
Ja postimi i Pollos:
Gati tre dekada kanë kaluar që nga rrëzimi i statujës mbidimensionale të Enver Hoxhës. Atë ditë për popullin pjesëmarrës në akt apo spektator në distancë ky jshte një akt çlirues. Në vijim rrëzimi i statujës ruajti në psikën kolektive të shqiptarëve simbolikën e fuqishme të akteve të ngashme ku triumfon e Mira ndaj të Keqes. Si p.sh. mundja e Goliatit nga Davidi. Por përtej euforisë së momentit kjo simbolikë si dhe përvjetori i ngjarjes na ndihmon të kuptojmë që ashtu si triumfi i të Mirës ndaj të Keqes nuk është akt përfundimtar por një luftë e përhershme që bëhet përditë edhe me gjëra të vogla po ashtu edhe liria fitohet, mbahet e zhvillohet përditë me luftë e përpjekje të vazhdueshme; jo gjithmonë heroike, shpesh prozaike. Kjo vlen edhe për shtetin ligjor, të drejtat e njeriut e demokracinë. Sidomos sot me kur po përballemi me rilindjen e regjimit. GP
